店舖有D似某大型快餐店感覺，先去櫃枱付錢，再搵位坐低，店員就會在出餐位置大叫收據單上的號碼，你再舉手或大叫回應店員，之後店員就會拎碗麵比你。
講真，我寧願自己去出餐位拎餐，好過在餐廳內不斷聽到有人在叫喚單號，這行為是極度騷擾客人用餐。
一個$37套餐C: 麵底+自由任選8款食品(中辣) + 可樂$8
麵底: 「四川薯粉」 浸水浸得太耐，麵身太腍，薯粉應有既煙韌口感一Ｄ都冇，筷子一夾就散開，唔使講，大家已經知道唔會好食得去邊。
8款食品: 「油麥菜、鮮魚菇、鮮腐竹、午餐肉、響鈴卷(未浸落湯已經係腍，請問舊響鈴放左幾耐？)、羅卜(煮唔熟勁硬又冇味，連羅卜應有的羅卜甜味都冇….)、美國肥牛(除左雪櫃味，你係唔會食得出有牛味或是肉味….」
湯底: 除左表面上小量辣椒粉既麻辣味之外，其餘什麼味都冇，真係連咸味都冇，淡而無味。
總括來說，打邊爐除左食物新鮮，湯底都係好重要，用清水白烚完Ｄ食物，就好似用番個Ｄ水做湯底….你叫人點食呀，我唔係要黎食減肥餐囉！
