媽媽檔 (Closed)

呢間不起眼既小店，隱藏係屯門置樂際一個角落，經過既時候，被濃郁既叻沙香味吸引駐足。小店主要做外賣生意，店面狹長，由廚房同細細既出餐區組成，不過如果要係度食都係可以既，店外既牆上有裝一條不鏽鋼既簡易窄餐檯，可供幾個人坐係度露天進餐。從痴係玻璃上既報道得知，店主係一對夫妻，丈夫係馬來西亞人，之前供職於五星酒店，隨妻子返香港創業。我覺得呢個就係點解，佢既菜品雖然都唔複雜，但可以食到精緻處理痕跡既原因吧。今次叫左沙爹雞柳椰漿飯，醬汁香濃，口味柔和，椰漿飯係斑蘭椰漿飯，薄荷綠既色澤清爽開胃，略為可惜既係可能囿於成本，雞肉本身既質感一般，但就呢個價錢黎講，已經相當優秀。炸豆腐有種天婦羅既口感，面衣相當薄脆，口感輕盈，唯一遺憾既係豆腐本身，有種對不起面衣既感覺，唔符合滑嫩鮮美既期待。拉茶入口柔順，口味清淡，飲完有種熨帖溫和既感覺。總體而言，作為一間益街坊既小店，佢相當出色、值得一試。