76
1
11
Level1
1
0
係餐廳網站到落單 一開始唔知係實體餐廳,食物係煮好哂 預先包裝冷運送上門 食用時再加熱,唔係外賣。21號落單後收到email話餐廳有確診要一個星期後先出貨,問我要唔要退錢我話照等。等左一個星期收到食物我都好努力想搵啲優點但真係無咁濟。就係沙律菜好新鮮好令同烤麵包正常。所有食物包裝都無食用期限,要自己上番個網睇啲食物擺到幾耐,之後有send email講番同提及可能違反左食物規例 / 指引 或 食物安全條例,但主廚親自回覆無回答呢個問題只係話所有食物都係新鮮整。Margherita收到時上面啲芝士已經乾哂同縮水,姐係整時已經同芝士一齊焗埋,但又無理由焗到縮水皺哂咁 最多都係乾啫。唔係好似平時見既急凍pizza咁啲芝士係未焗。咁到食用時再次加熱啲芝士就更加乾。另外個批同番茄醬唔好食,已經按照餐廳網站提供既焗爐溫度同時間加熱。簡單啲講餐廳係按平時做法出餐無考慮到預先包裝食物再次加熱既狀態。ILLY coffee cheesecake 個名就有個咖啡牌子,網站同食評啲相都有跟illy既espresso,但我就收唔到仲奇怪個cake食落無咖啡味,咁都明白如果跟埋espresso食用時都走哂味,有
Read full review
係餐廳網站到落單 一開始唔知係實體餐廳,食物係煮好哂 預先包裝冷運送上門 食用時再加熱,唔係外賣。

21號落單後收到email話餐廳有確診要一個星期後先出貨,問我要唔要退錢我話照等。
等左一個星期收到食物我都好努力想搵啲優點但真係無咁濟。就係沙律菜好新鮮好令同烤麵包正常。


所有食物包裝都無食用期限,要自己上番個網睇啲食物擺到幾耐,
之後有send email講番同提及可能違反左食物規例 / 指引 或 食物安全條例,但主廚親自回覆無回答呢個問題只係話所有食物都係新鮮整。

Margherita
收到時上面啲芝士已經乾哂同縮水,姐係整時已經同芝士一齊焗埋,但又無理由焗到縮水皺哂咁 最多都係乾啫。
唔係好似平時見既急凍pizza咁啲芝士係未焗。咁到食用時再次加熱啲芝士就更加乾。另外個批同番茄醬唔好食,已經按照餐廳網站提供既焗爐溫度同時間加熱。
簡單啲講餐廳係按平時做法出餐無考慮到預先包裝食物再次加熱既狀態。

ILLY coffee cheesecake
個名就有個咖啡牌子,網站同食評啲相都有跟illy既espresso,但我就收唔到仲奇怪個cake食落無咖啡味,咁都明白如果跟埋espresso食用時都走哂味,有問係漏左定網上訂單唔會跟espresso,但主廚無回覆呢個問題。

Arrabbiata Rigatoni
意粉同醬汁入埋一袋都合理既因為係煮完就入袋包裝。但始終醬汁同意粉擺埋一齊存放擔心口感變差。

Bruschetta
味道普通無咩特別。

Burrata cheese
芝士味道正常,沙律菜非常新鮮,但兩塊烤麵包仔消失左。

Shortcrust Baskets with Cherry in Syrup Fine Pastry Mignon
內餡食落似最平既餅店,撻皮無牛油香味。

理解廚師對自己既食物執著同信心,可能拎佢啲新鮮pizza同急凍比較激嬲左佢🤔 咁無計兩個性質一樣係差在可以擺放幾耐。
一個係芝士已經焗過仲要乾哂,另一個係新鮮未焗芝士擺面 等你要食果時加熱啲芝士就溶到可以拉絲。🤔
的確我後面再send email時語氣重左,同埋好直接咁話無諗到食過最差既pizza會係間意大利餐廳。咁主廚覺得無尊重到佢 嬲都正常既😂

但主廚話好多好多人都鐘意佢地既食物,係一流既意大利餐廳 然後我睇到呢到7頁既食評⋯😬😬

老實講係因為餐廳(主廚)回覆嬲到直接開acc寫食評,當然我都知唔係餐廳入面食味道實無咁好,但食物質素真係連普通都算唔上。無特登踩話啲食物唔好食,因為真係唔好食。


64 views
0 likes
0 comments
36 views
0 likes
0 comments
27 views
0 likes
0 comments
21 views
0 likes
0 comments
17 views
0 likes
0 comments
16 views
0 likes
0 comments
14 views
0 likes
0 comments
8 views
0 likes
0 comments
9 views
0 likes
0 comments
6 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Service
Hygiene
Value
Dining Method
Delivery