兩樣都整得唔錯
咁啱近日去港島
心思思又返去食多次
但今次就冇叫返燒鵝了
反而想試吓其他燒味
所以專程再嚟灣仔試多次天龍燒鵝嘅燒味😂
今日係星期六 我同老婆中午去到
店舖內都坐滿大約七成人
好彩啱啱仲有一張長枱俾我地坐
照舊同老婆一樣都係叫套餐
我就叫咗燒肉瀨粉
老婆就叫咗叉燒飯
套餐就多咗個湯同埋小食
講返燒味先 燒肉係燒腩仔嚟
皮好脆 腩仔肉間肥間瘦 每一啖都充滿油香
叉燒就有少少燶邊 脆口得黎唔硬
仲有好多蜜汁 味道非常香濃
兩樣燒味套餐份量都唔少
我地都食唔停口😂
7-80蚊一個套餐 喺港島都叫可以吧
冇影到燒腩仔😢
