新泰係尖沙咀有兩間分店
平時去開加拿分道地舖既我
今次決定搞搞新意思去下北京道分店
北京道分店整體裝修比較摩登啲
位於中層，坐窗邊位可以睇下景
不過我地個日就坐唔到窗邊了
再再再再次向各位隆重推薦
我認為既新泰名物：
1. 蒜蓉扇貝
大大隻 熱辣辣 滿滿既蒜蓉加上拉絲芝士
再搭配上鮮甜既帶子 超yum yum😋
2. 黃薑雞飯
鮮嫩既春雞入面釀滿左炒香過既黃薑飯
不單止唔乾 仲粒粒芳香撲鼻 好入味
雞焗得亦岩岩好 肉嫩 juicy
輕輕一拮就已經骨肉分離
岩曬我尼啲唔中意lur骨既懶人🤤
3.椰青大菜糕
我朝思暮想既甜品❤️
原隻椰青雪起
清甜既椰汁涷加上一片片既椰肉
夏日解暑一流無得頂😳❤️
今次仲搞搞新意思
棄左我必嗌既椰青 試左椰子沙冰
估唔到都有驚喜
拌入椰奶一齊打既沙冰好有椰香
同樣係原個椰青上
但啲沙冰堆到好似小山丘咁
超抵飲🤣🤣🤣
