午餐有9款，價錢包括一杯$28飲品，選擇幾多。
等外賣期間坐喺店內，感覺清雅舒適。外賣預備得好快，10分鐘內就有。
外賣用長型紙盒裝住，又靚又環保，份量都好足。
泰式乾炒河粉(豬肉) 用上我最愛嘅闊河粉，口感好又掛汁，豬肉同蔬菜份量平均，有菜有肉感覺健康，顏色都好靚。
泰式無骨滷水豬手飯分兩個盒裝，有一整盒白飯同大半盒豬手。
豬手炆得入味又淋，調味岩岩好，個汁用黎撈飯食，唔經唔覺真係可以食哂成盒飯，點豬手嘅酸辣汁同一般現成酸汁唔同，餐廳應該有加左其他材料，味道有層次，勁好食。
午餐包嘅飲品好吸引，我地叫左西柚梳打同埋泰式青檸茶。
西柚梳打味道天然，仲有新鮮西柚肉，加埋冰凍梳打，好清新。
泰式青檸茶茶底香濃，加左一整粒青檸入去，同泰國飲嘅味道勁相似。
不愧係我期待已久嘅餐廳，我好滿意，亦都期待疫情減退後可以再去堂食。
