Little Break Coffee & Kitchen (Closed)

同閨蜜二人密斟，去咗荔枝角呢間cafe食下午茶。 餐廳裝修簡潔，見有好多三五知己黎食嘢。雖然佢有下午茶餐，但結果我地都係散嗌。炸薯條($68)夠粗又夠脆，分量都算大。配韓國辣沙律醬，茄汁同黑松露沙律醬。韓國辣醬只係微辣，同薯條好夾，但係嫌黑松露沙律醬唔夠黑松露味。日式照燒鰻魚牛油果千島汁薄餅($208)除咗鰻魚同牛油果，仲有火箭菜，車厘茄，小蘿蔔片同柴魚片，夠足料，口感同味道豐富。千島汁有少少辣，好惹味。熱紫薯牛奶($42)有個靚靚拉花，紫薯味同牛奶平衡得幾好，而且唔會太甜，算中上質素。凍紫薯牛奶($48)朋友嘅凍紫薯牛奶姍姍來遲，而且加咗冰之後會變淡，推介熱紫薯牛奶。