8個人,好彩我BOOK左位,唔係有排等,真係好爆場~
好多人呀!好食先多人去既~
叫左好多野食,不過唔記得影相,太餓啦,影左2張而已XD
講下有咩最好食要必叫
避風塘中蝦,一定要叫,好惹味,D蝦又大隻,肉質岩岩好,
唔會炸到老晒~仲有D炸蒜,撈埋飯,好正~
老少平安,都係朋友仔推介,第一次黎,食唔到,
今次食到啦~撈飯一流,豆腐好滑呀!!
咸旦蒸肉餅,雖然可能係屋企都會食到,但真係好食,
唔會太咸,出面食果D有時會好"鞋"身,D肉餅仲好滑!!
醬爆雞丁唔食我辣,唔好叫,我都食到標眼水,不過值得一試,惹味~
不過雞丁算少~好多花生><
其他野都不過不失,最正就係BOOK位,佢會問你有冇人生日,會送壽包,
咁岩有朋友生日,GOOD!不過冇之前咁好食,蓮蓉少左,包太厚,咬2啖先有蓮蓉
送既南瓜西米露,勁好食~一流!!!唔會好似出面次次都送紅豆沙,真係厭~
我記得上次係送渣咋..證明佢唔會送死一隻糖水~唔錯
