叫左好多野 讚一讚章魚肉餅飯 燒賣 xo醬蘿蔔糕同黑椒牛仔骨
個飯蒸得岩岩好 米又係用靚米 有飯香 肉餅好滑
燒賣唔係批番黎 即日師傅自製 酒樓真係食唔到咁既質素
蘿蔔糕炒完 外皮都脆 蘿蔔足料 粉好少 口感香味都一絕
牛仔骨林得黎有口感 牛味十足 值得推介既
蝦餃蝦好新鮮 皮個人覺得林左少少
中上水準 另一樣鮮竹卷 師傅炸左再擺龍蝦汁 其實好有心思 鐘意食香口野應該都會鐘意 只係本人都係鐘意成口汁既湯鮮竹卷呢間未開之前去和富間添好運 感覺呢間更勝一籌 仲要更加抵食 下午茶35蚊孖寶 有飯有點心 炮台山最有實力小店之一
Ps 呢間野即叫即蒸 需要等十分鐘左右 先有得開餐架
