點心到 MIX·大排檔

Open Now

Now Closed

🌟平時好鍾意食點心同大排檔的鑊氣小炒，俾我發現左呢間餐廳兩樣都有齊，餐廳名"點心到mix 大排檔"改得直接易明，就知道餐廳早午巿主打點心，晚巿主打鑊氣小炒，煲仔菜，中式海鮮等。🌟餐廳乾淨企理，好似西餐廳的格局，中間仲有個魚缸，供應生猛海鮮。👍🏻游水龍躉仔＄138真係即叫即蒸，好新鮮，每條約一斤重，好肥美，魚肉嫩滑，真係拍得住大酒樓的蒸魚！🐥保仔左宗堂雞煲$88個名好特別，之前末聽過呢種煮法。上枱熱辣辣，加入好多三色椒，洋蔥，菇，蒜，醬油一齊煮，味道辣辣地，好惹味。🌑黑金流心包＄10🐷卡通芋蓉包＄10好鍾意可以淨係叫一隻包 ！吾會食到好漏，又可以試多幾個口味👍🏻黑金流心包果然係招牌菜，蛋黃味好香濃，仲超級流心😂芋蓉包都不錯，淡淡的芋泥味，好綿滑😋🌟總括嚟講，簡簡單單的一餐中菜，大排檔的價錢，質素拍得住酒樓，茶錢每位$5， 又不收加一，幾經濟。