峰壽司 (Closed)

9月10日, 又有一排冇食過壽司, 條癮又起~ 所以今日又要食一下峰壽司, 滿足一下~::: 三文魚壽司 ::: $12先來一客三文魚開開胃~ 一貫水準, 尤其嗰d峰獨加嘅蔥, 好爽口新鮮, 為三文魚加添一份清新感~::: 軟殼蟹卷 ::: $26剛炸起嘅軟殼蟹熱辣辣脆卜卜, 有肉得嚟又夠脆~ 再加埋出面嘅蟹籽, 有口感~::: 火炙蟹柳壽司 ::: $16火炙蟹柳不嬲都係其中一款至愛~ 燒過嘅蟹柳仲好鮮, 加埋沙律醬更加好味~::: 帶子三味 ::: $32包括有蔥鹽帶子裙邊, 和風口味同鮮帶子~ 呢個係期間限定, 所以我地都叫個試下. 蔥鹽幾夠味, 不過帶子裙邊有d韌… 和風食唔出有咩咁和風, 食落冇特別… 鮮帶子幾鮮, 不過好似比以前細粒咗… 整體3件都只係普通.::: 北寄貝沙律軍艦 ::: $18北寄貝沙律份量都好似少咗, 都鋪唔滿個軍艦. 沙律有d凍, 所以味道太冰而唔太食得出味.::: 蔥粒三文魚腩軍艦 ::: $26三文魚腩幾鮮, 肉粒都好厚, 食落都好肥美, 唯一彈係太少蔥…::: 左口魚壽司 ::: $20魚身有光澤, 質感頗嫩, 不過鮮味就欠奉~ 一般般啦~:::