個吉列牛定食分量十足 有成兩條牛柳咁多 雖然唔係好厚 但係絕對飽肚厚薄適中 最啱食肉獸類嘅朋友👍🏻
食嘅時候將吉列牛放上鐵板，每邊燒幾秒就得架啦！而且塊版唔容易黐底，呢樣野做得幾好！不會只食到粉漿 而且有微微的油脂香。
我個人建議第一啖食嘅時候可以就咁食唔好點將之後呢就可以試吓點Wasabi沙律醬、秘製豉油
睇吓自己口味係點我個人呢就幾鍾意Wasabi沙律醬👍🏻
另外仲點左咖喱忌廉牛肉烏冬 係佢哋另一招牌 烏冬上一圈圈白色就係忌廉啦，佢唔係普通忌廉仲加左薯蓉架
不過我建議要快啲食呢一個烏冬 如果唔係嘅話佢啲忌廉好容易會塔同溶咗
而且我幾鍾意佢嘅咖喱烏冬好香咖哩味 同埋啲烏冬唔會煮到太淋都幾好
另外喺單張上邊仲見到佢有好多午市定食好似都幾吸引下次再嚟試吓
