Read full review
2021-09-15
680 views
適逢周末, 去嘆個fine dinning浪漫一吓先! 私房菜式嘅fine dinning都係第一次試, 裝修別緻, 配合昏暗嘅燈光, 特顯高貴氣派！ 當晚有四台客人, 檯與檯既空間十分充足, 私隱度高. 先來個welcome bite, 特別喜歡龍蝦沙律鬆餅, 食完好開胃, 為豐盛嘅一晚揭開序幕！ 再來是一道海膽Custard, 鮮味嘅海膽配上魚子醬再加上Custard一齊放入口, 非常滿足. 接著海鮮湯亦好有心思, 碟邊配上燒蝦, 可以一蝦兩食, 浸湯或分開食都有不同口感. 然後就到了全晚我最驚喜既菜式, 為何驚喜? 因為大廚將一道非常格式化,平平無奇嘅白酒煮青口, 煮得富有獨特風格. 除了加入大量白酒外, 亦加上Rosemary調味, 頓時變得不平凡, 令我們吃得津津有味. 我也忍不住連醬汁也全部喝乾! 主菜方面,我們點了乳鴿及和牛排, 中式乳鴿相信大家就食得多, 原來西式嘅煮法亦別有一番風味, 煮香兩邊, 然後入面既肉保持五成熟, 既有鴿嘅香味,又不失內裏嘅嫩滑口感. 最後的甜品當然沒有令我倆失望, 大廚告訴我們, 第一次來的客人都會安排這道signature dessert.
Post
