Video
Read full review
2018-12-29
60 views
之前係社交網站見到有人介紹佢午餐有蟹膏撈麵食 價錢又唔貴 想食好耐 但一直都就唔到中午時間去 上網睇食評先知原來有晚市 重有食蒸氣海鮮 見到食評有讚有彈 但睇相d海鮮都係新鮮呀 所以今日特意收工入黎試下 食完再去mikiki睇飛天小女警😂好彩訂左位 因為店內大約有十個蒸鍋 一食都食2個鐘 所以冇訂話都幾難walkin食到 我地食既期間都有人等 聽店員話可去9龍城新分店 話老闆會開車黎接佢地 我諗個間會新d大d💁🏻♀️蒸氣餐有$298 $398 $498 同$688 ，$298都唔差 都有9樣 $398就10樣 但就多左個特長賴尿蝦 最後我地就決定嗌個$398試試 有d可選擇既 我地就各選一 所以2個人食既野會有小小唔同先先上左一碟貝殼類 每蒸一樣都有人黎幫你蒸同起 每張桌都有計時同垃圾桶放骨 先先蒸左貴妃蚌 比起平時食既大隻好多 同埋就咁蒸都唔洗再點醬汁 真係覺得海鮮蒸真係好食d之後就蒸鮑魚 青口 同元貝 。元貝又係大粒 青口就冇食到 而鮑魚個時間剛剛好 唔會似食擦膠 好易就咬得到了 同埋海鮮當中有d汁 店員教我地倒埋落個粥到會更加鮮甜再蒸是慶南蠔同象拔蚌 蠔比較細 但食落唔會好腥 象
之前係社交網站見到有人介紹佢午餐有蟹膏撈麵食 價錢又唔貴 想食好耐 但一直都就唔到中午時間去 上網睇食評先知原來有晚市 重有食蒸氣海鮮 見到食評有讚有彈 但睇相d海鮮都係新鮮呀 所以今日特意收工入黎試下 食完再去mikiki睇飛天小女警😂
好彩訂左位 因為店內大約有十個蒸鍋 一食都食2個鐘 所以冇訂話都幾難walkin食到 我地食既期間都有人等 聽店員話可去9龍城新分店 話老闆會開車黎接佢地 我諗個間會新d大d💁🏻♀️
蒸氣餐有$298 $398 $498 同$688 ，$298都唔差 都有9樣 $398就10樣 但就多左個特長賴尿蝦 最後我地就決定嗌個$398試試 有d可選擇既 我地就各選一 所以2個人食既野會有小小唔同
先先上左一碟貝殼類 每蒸一樣都有人黎幫你蒸同起 每張桌都有計時同垃圾桶放骨 先先蒸左貴妃蚌 比起平時食既大隻好多 同埋就咁蒸都唔洗再點醬汁 真係覺得海鮮蒸真係好食d
之後就蒸鮑魚 青口 同元貝 。元貝又係大粒 青口就冇食到 而鮑魚個時間剛剛好 唔會似食擦膠 好易就咬得到了 同埋海鮮當中有d汁 店員教我地倒埋落個粥到會更加鮮甜
再蒸是慶南蠔同象拔蚌 蠔比較細 但食落唔會好腥 象拔蚌一樣大大隻😍夠曬彈牙
然後就係店主力推既好似手臂咁長既瀨尿蝦 原來本身係會蒸定左先 唔係會大縮水喎 所以黎到主要係再蒸熱小小 真係大隻既 同埋真係啖啖肉 最好係個頭又可以放落去煲粥 一定好鮮味啦 同埋有龍蝦呀 蝦🦐同龍躉 蝦都係新鮮既 但個龍躉就嫌簿左小小同埋冇咩味 這個比較失色
然後又另一重頭戲 就係佢地店最出名既蟹啦 有齊3個品種 一個就係硬膏 一個就係軟膏 2個都好味 2個d膏都係多到一個點 食唔完 隔離桌重放左d膏去煲粥Tim 真係抵佢用個「蟹」字做招牌 真係名不虛傳！👍🏻👍🏻
最後食埋個蔬菜包同粥底 真係食到飽一飽 總括黎講 以蒸氣鍋佢未必係最多野食 但真係比出面大隻既 ❕但因為佢拎出黎時係放埋一堆每樣一件 比人覺得好小野食 但去街市買開海鮮既就知佢用料係貴既 因為偏大隻價錢可以貴幾倍 特別係隻蟹 所以我明白點解食評會好壞參半 真係試過先知 ‼️你要食到最飽最平既未必係佢 但食得又大又新鮮既 佢就比到你啦😊
Post
