.
天后清風街真係好多好嘢食，心機小店真係一間間，食完飯之後想甜品直落可以試下甜姨姨，平時都要等下位！「天與地」都係呢到取景拍攝架，真係明星陪你食甜品😜蘇絲黃同好多明星都推薦過～
推介大熱嘅鹹蛋黃魚蛋，吾係好多地方有得食😍😍由於係即叫即製，製作需時，所以要等一等。有一大堆鹹蛋黃蓉係上面，鹹蛋黃味好濃好香，除咗本身嘅鹹蛋黃味，仲加入咗少少泰式香料，鹹中帶少少甜又帶少少辣，係味覺嘅享受🤪魚蛋都好大粒又彈牙。
榴槤豆腐花
蘇絲黃推介，亦係餐廳特色主打，大穫好評，一於試下😆愛榴槤之人不能錯過～滿滿榴槤嘅香甜味，豆腐花口感好滑，豆味濃，入口即溶好消暑好解渴，同榴槤嘅軟身質地都好夾。
香蕉船
香蕉變出香蕉船😂😂真係有一大條香蕉係到，好完整。整體吾算太甜，賣相色彩繽紛好吸引，雪糕就揀咗雲呢拿、草莓同芒果，三種口味集於一身，滿足到愛甜嘅欲望，仲有少少朱古力碎係面，好靚！
