大餃子 (Closed)

見到銅鑼灣開咗間新嘅餐廳，入面就算四五點都好多人。見到佢主要都係食餃子同埋食麵，啲餃子都有好多款可以選擇，亦都可以選擇煎或炸，而且佢嘅價錢都唔係好貴，入面嘅餡料都好足。仲要食完之後入邊啲汁流哂出黎🤩而佢嘅擔擔面比較偏向香港人嘅口味，食得出佢入面有好多唔同嘅配料，亦都可以選擇唔同嘅辣度， 就算我唔係好食得辣， 我都覺得幾好食！以佢嘅蒜泥白肉真係超好食，睇得出佢好用心去烹調呢個菜式，啲青瓜同肉嘅比例啱啱好，又唔會過鹹或者過辣。最後最後一定要講吓佢嘅即磨豆漿！！香港而家好多餐廳都飲唔到呢啲真係即磨嘅豆漿，飲完之後杯底係飲得出佢啲黃豆蓉！