💪🏻脆皮無骨雞排 ($38)
呢間外賣小食店所有食物都係即叫即炸，所以炸物都係新鮮滾熱辣😝 呢個脆皮雞扒揀咗芝士味調味粉（調味粉最多可以兩溝），芝士味香，而且鋪滿成塊雞扒！雞扒炸得好香脆😋，無骨雞排肉質都好嫩滑，啖啖肉，而且雞排唔肥，亦都唔油，但異常juicy多汁，會食到彈汁🤤 食完亦都唔覺好膩。雞扒即叫即炸，所以非常熱，食嘅時候要小心辣手！
💪🏻 金菇酥 ($12)
金菇酥揀左梅子味，梅子粉甜甜酸酸非常開胃，而且同蔬菜類好夾！金菇炸到收乾晒水，所以炸得超級酥脆，食落脆卜卜😋
💪🏻 脆皮花枝丸 ($18)
花枝丸揀左椒鹽味，椒鹽非常香口！同樣都係炸到脆卜卜，好香脆！而且粉漿算薄，唔會食到成口粉漿😝 花枝丸都好彈牙！
味道：8.5/10
性價比：7/10
食住瘦指數：💪🏻
