睇外賣app先知道紅磡開咗雞翼山
我唔算係雞翼控，
不過雞翼嘅多變同可能性的確係有佢嘅吸引力～
雖然貴，都決定嗌嚟一試～😋
叫咗個「輕食套餐」，盛惠$148～
其實一啲都唔輕啦😆12隻雞翼+1杯特飲
我見舖頭好快就接咗單
送貨員都好快就拎咗送嚟
包裝好好，唔係普通薄ee嘅紙盒
啲油唔會滲哂出嚟，亦唔會變到淋哂
個package係有誠意，好唔錯呀！
仲有兩對膠手套同紙巾呢啲基本配套
一打開，齊齊整整，賣相好好！
店員有用油紙簡單摺成間隔分開3種味道，
係細心嘅！開餐！😚
12隻雞翼可以揀3種口味，我就由淡到濃咁試啦！
1.「我係咸檸七雞翼」
2. 「港式避風塘蒜香雞翼」
3. 「黑松露蒜香武士雞翼」
一拎起手，仲係熱辣辣㗎！
見有其他食客話佢係即叫即炸，都應該係真！
先食酸甜，再食辣，最後食黑松露。
3種味都比我預期無咁濃，
唔係嗰種靠灑味粉味精調味嘅類型。
食落去，好滑好juicy，
味道就會喺咀嚼吓之後會越嚟越食得到。
3個之中咸檸七幾開胃，
避風塘就唔夠地道，辣而未夠蒜香，
黑松露我以為會係3的最濃，不過都係淡香。
3隻味試完一round，食到個嘴好油，
飲啖mojito剛剛好！再繼續下一round！
味道嚟講，今次唔算特別出色，
不過勝在選擇夠特別！
同埋個包裝都係加分位吖～🤟🏻
