Read full review
2020-07-10
54 views
真係唔知幾時開始自己就非常喜歡吃咖喱，但係屋企附近都無一間合我心水嘅正宗嘅咖喱屋。令我念念不忘嘅都係上次去天后食果間印度咖喱，其實我仲有好多間都好想試，今次繼續同老公去覓食。行行吓入咗一條寧靜嘅小街見到一間外面裝修好有異國風情嘅印度小店，外面有幾張小圓枱可以出邊飲酒，決定試吓呢一間。店舖內面積雖小， 但店內裝修都充滿了印度嘅風情，睇得出店主對擺設都別具用心。坐低叫嘢食後就送上印度必食嘅脆筒配四款特色醬！入到黎一定要必食Chicken Tikka😍真係非常好食，熱辣辣！仲仲有嗌左羊肉咖喱角，我自己就頂唔順羊肉嘅So味，但係我老公就非常滿意，因為佢自己好鍾意食羊。之後再叫咗個奶油咖喱雞，呢味菜都係必食嘅，咖喱充滿香濃嘅牛油味，質感奶滑，雞柳還可以!不得不贊這個蒜蓉烤餅，這個烤餅火候烤得恰到好處，有淡淡的蒜蓉味，又有少少鹹香。整體來說都係十分滿意，唯一敗筆就係叫咗一杯超超級淡味嘅檸茶🤪
令我念念不忘嘅都係上次去天后食果間印度咖喱，其實我仲有好多間都好想試，今次繼續同老公去覓食。
行行吓入咗一條寧靜嘅小街見到一間外面裝修好有異國風情嘅印度小店，外面有幾張小圓枱可以出邊飲酒，決定試吓呢一間。店舖內面積雖小， 但店內裝修都充滿了印度嘅風情，睇得出店主對擺設都別具用心。
坐低叫嘢食後就送上印度必食嘅脆筒配四款特色醬！入到黎一定要必食Chicken Tikka😍真係非常好食，熱辣辣！仲仲有嗌左羊肉咖喱角，我自己就頂唔順羊肉嘅So味，但係我老公就非常滿意，因為佢自己好鍾意食羊。
之後再叫咗個奶油咖喱雞，呢味菜都係必食嘅，咖喱充滿香濃嘅牛油味，質感奶滑，雞柳還可以!不得不贊這個蒜蓉烤餅，這個烤餅火候烤得恰到好處，有淡淡的蒜蓉味，又有少少鹹香。
整體來說都係十分滿意，唯一敗筆就係叫咗一杯超超級淡味嘅檸茶🤪
Post
