Siam Noodles (Lock Road)

平時食泰式船麵來來去去都係得豬牛雞，呢間有海鮮揀，有卜卜蜆、廣島蠔，想食豪啲仲有原隻波士頓龍蝦。湯底可以揀船湯、冬陰公湯或清湯，比其他船麵店更多選擇。

除咗船麵，亦有多款泰式小食。

冬陰公卜卜蜆河粉賣相靚，卜卜蜆比想像中大隻，隻隻鮮甜無沙。除咗蜆仲有蝦、青口同蟹柳，好豐富

卜卜蜆冬陰公湯河

冬陰公湯少辣帶微酸，唔會太重口味河粉爽滑唔會一夾起就斷。

1

頂級安格斯牛肉船麵

頂級安格斯牛肉金邊粉(船湯)，牛肉片生熟程度啱啱好，牛肉味濃郁。船湯香料味道突出但唔會過份油膩配料有魚蛋、炸豬皮、秋葵同白蘿蔔。

3

泰式炸蝦餅

泰式炸蝦餅一份有三件，新鮮炸起嘅蝦餅表面脆，內裡爽彈有粒粒蝦肉

泰式青檸梳打特飲

泰式青檸梳打特飲用上原枝泰國梳打水，落單時嗌咗少冰，青檸汁有成半杯咁多，溝埋梳打水味道酸酸甜甜好清新，好適合夏天飲


總括嚟講食物質素幾好，份量唔少，兩個人食兩碗麵加一個小食都好夠飽，而且價錢合理。