品香樓中西風味餐廳

Open Now

Now Closed

石峽尾呢間品香樓出名嘅南乳炸豬手同風沙雞今次都試咗南乳炸豬手一上枱就聞到好香！食落外表十分脆炸，味道好香口惹味。但炸得來又一啲都唔會好油膩或好肥，反而係食到脆層下面豬手嘅膠質，正！風沙雞嘅外皮同面頭上嘅調味十分濃，略嫌有啲過咸，內裡雞肉肉質一般。呢到半隻雞嘅份量都唔細，岩四個人食。兩款菜都有附上各自嘅醬料，但其實本身嘅煮法調味已經好入味好夠，完全唔需要再點醬。最後黎一碟西蘭花花枝帶子，不錯。相比下味道清清地，同前兩碟濃味菜式一襯，可以調和返個味蕾。