Read full review
2016-08-02
7147 views
有人提議去食大角咀九龍珀麗酒店嘅協奏坊西餐廳，以為有生蠔，不過原來近期已經將生蠔換做龍蝦，每人包一隻龍蝦，其他食物就任食。 自助餐好就好在乜都可以攞少少試試。冰鎮海鮮有加拿大石蟹、鱈場蟹腳、藍青口同蝦。 冷盤有龍蝦慕絲蟹籽脆筒、龍蝦汁稻庭冷烏冬、意式番茄醬多士、煙三文魚蟹肉芝士撻，同埋幾款蔬菜同沙律醬汁。熱食就有新加坡海鮮喇沙。醬燒豬肋骨、燒羊髀、炒雜菜、意大利千層闊麵、龍蝦意大利飯、龍蝦汁香煎櫻花蝦腸粉、章魚小丸子、咖哩角、炸雞件、魚柳等等。 黑松露煙肉巴馬臣芝士意大利麵，意大利粉由廚師即煮，再放晌巴馬臣芝士磚內拌勻先上碟。 然後仲有壽司、卷物同即切剌身…生果就唔少自助餐都有，呢度仲有Mövenpick雪糕。因為其他甜品無名牌，所以都唔知佢哋啲名，純粹係憑外觀揀。對我嚟講，甜品環節中最令人驚喜嘅係呢部自助班戟機，都係第一次見。 呢度仲有自助飲品，不過對呢部自助濕紙巾機仲更加有興趣，我哋完全係錯晒重點。 自助晚餐包每人一隻龍蝦。 我呢隻幾多膏，肉質算鮮甜。 之後先正式試自助區嘅食物，凍蝦蝦肉彈牙、煙三文魚蟹肉芝士撻有三種唔同口感、意式番茄醬多士微酸幾開胃、龍蝦汁稻庭冷烏冬煙韌。可惜龍蝦
有人提議去食大角咀九龍珀麗酒店嘅協奏坊西餐廳，以為有生蠔，不過原來近期已經將生蠔換做龍蝦，每人包一隻龍蝦，其他食物就任食。
冰鎮海鮮
69 views
0 likes
0 comments
冰鎮海鮮
75 views
0 likes
0 comments
冷盤有龍蝦慕絲蟹籽脆筒、龍蝦汁稻庭冷烏冬、意式番茄醬多士、煙三文魚蟹肉芝士撻，同埋幾款蔬菜同沙律醬汁。
熱食就有新加坡海鮮喇沙。
醬燒豬肋骨、燒羊髀、炒雜菜、意大利千層闊麵、龍蝦意大利飯、龍蝦汁香煎櫻花蝦腸粉、章魚小丸子、咖哩角、炸雞件、魚柳等等。
黑松露煙肉巴馬臣芝士意大利麵，意大利粉由廚師即煮，再放晌巴馬臣芝士磚內拌勻先上碟。
然後仲有壽司、卷物同即切剌身…
生果就唔少自助餐都有，呢度仲有Mövenpick雪糕。因為其他甜品無名牌，所以都唔知佢哋啲名，純粹係憑外觀揀。
對我嚟講，甜品環節中最令人驚喜嘅係呢部自助班戟機，都係第一次見。
呢度仲有自助飲品，不過對呢部自助濕紙巾機仲更加有興趣，我哋完全係錯晒重點。
龍蝦（每人一隻）
60 views
0 likes
0 comments
龍蝦（每人一隻）
46 views
0 likes
0 comments
之後先正式試自助區嘅食物，凍蝦蝦肉彈牙、煙三文魚蟹肉芝士撻有三種唔同口感、意式番茄醬多士微酸幾開胃、龍蝦汁稻庭冷烏冬煙韌。可惜龍蝦慕絲蟹籽脆筒嘅脆筒已被餡料整濕，食嗰陣已經幾腍，無咗脆口質感。
冰鎮海鮮
40 views
0 likes
0 comments
屬芝士控嘅我對呢個即煮意大利粉都幾期待，入面有黑松露醬、巴馬臣芝士、煙肉、蘑菇、紅洋蔥、蒜蓉同羅勒，我覺得意粉軟硬度OK，芝士味就比預期中輕，如果可以再濃郁少少就好喇。
甜品我就試咗焦糖燉蛋、芒果布甸、綠茶蛋糕、熱情果芝士蛋糕、葡撻同紫薯泡芙，因為無名牌，啲名都係估估吓，焦糖燉蛋同芒果布甸唔會太甜太漏，葡撻就啱啱由廚房拎出嚟，外皮都幾酥脆，綠茶蛋糕入面有類似柚子皮嘅嘢，不過就似原味蛋糕多啲。
自助班戟、Mövenpick雪糕
38 views
0 likes
0 comments
預早五日前訂座就每人$288，雖然食物選擇唔多，同埋無咗比較吸引嘅生蠔，但有幾款海鮮嘅自助晚餐，唔洗三百一位都算合理嘅。
Post
