個人甚少在鄰近街市旁的食店進食，一來太嘈吵，我偏好可以慢慢地、安靜地進食;二來衛生環境通常麻麻地，曾試過當進食時有米奇(是真米奇)在你頭部位置的窗邊走過，幸好有玻璃阻隔，否則隨時一同進食，好可怕。唉，多年前的陰影令我選擇食店的要求多了重要一項。
毗鄰"火鍋大廈"，是日有些倦意，唔想試新食店，故再次到訪上半年曾吃過的火鍋店。
一到店舖正門，穿著民航機機司COSPLAY打扮的經理便禮貎地和我打招呼。
既然再次到訪，除了主角的湯底不變之外，當然要多加選擇未品嚐過食物來評測。
主角依然是花膠雞湯鍋，不過今次要全隻，打算今晚火鍋，白肉主打，紅肉次要。誰知道原來全隻是何等巨型份量，最厚的雞件肉質厚度，有近一節手指咁厚。當然，最後食唔晒。強烈建議，若要叫全隻花膠雞湯鍋，最好是4位食客，那每人食少少，夠滋味，又不會太飽無法進食其它食材。
幸好，其它食材點了海鮮類，不會太過飽肚:龍躉片、沙白蜆和手打蟹子蝦滑。
龍躉片上次曾食過，一句話，好食。然而，事隔半年，都是同樣龍躉片，但店家卻換上新方式上碟，這細節看得出店家用心經營，務求食客隔一段時間回來，會有新的體驗。
另一款沙白蜆，是在這店首次叫，也是我記憶中，第一次品嚐。煮熟之後(切記過熟)，蜆肉不會過份縮小，而且蜆味濃郁，是一個新體驗。
最後，2條蟹子蝦滑，我平均每條分成3小截變蝦丸仔食用，當然唔好過熟就會好好食。
