餐牌選擇唔多。叫左兩個意粉，跟埋餐湯同飲品。
餐湯有南瓜湯同蘑菇湯。兩款都保留材料嘅原味，南瓜湯好似食緊南瓜咁，不過幼滑嘅。蘑菇湯同標係保留原味，同埋有少少蘑碎o趙下。係唔錯嘅！
*注意唔係忌廉湯黎。飲慣金寶湯就未必喜歡。*
白汁海鮮意粉
賣相同香味都唔錯，海鮮有蝦、青口同假帶子，驟眼望以為係粒蘿蔔，用切落去個質地又唔似係蘿蔔，反而有啲似魚蛋，原來係一粒假帶子😅。
意粉唔會太淋、掛汁，整體係唔錯嘅，不過因為粒假帶子扣咗少少分。個人比較喜歡食真帶子🥹
蜜糖芥末雞意粉
呢款醬汁比較突出，蜜糖芥茉確係刺激味蕾，不過配意粉又出奇地夾，雞肉入味，重好淋，不過成碟底都係油，略嫌油膩。
朱古力有棉花糖同曲奇伴碟，朱古力奶味偏重，不過都好飲嘅，
食完飯唔食甜品好似淨d野咁，叫左個伯爵茶梳乎厘，好香，不過一篤開裡面得個窿😓。。好似酥皮湯個面咁得一層。。裡面充滿空氣。。好失望
因為抱住期望堂食，結果完全失望。。埋單三百幾，同區有更好選擇。試一次就夠
不過件裝蛋糕係唔錯。。值得回購
