Read full review
2020-03-07
339 views
剛剛中午同男朋友經過呢間餐廳，聞到超香既味道>< 所以我地選擇喺呢度食午餐! 佢午餐係定食，現時做緊活動，仲會free個甜品比我地食。叫餐都幾特別，係A主菜加B主食加C免費飲品，而家再free指定既甜品！老實講，佢午餐都要60幾70既價錢都幾貴，不過唔知佢係咪全日都係用同一個menu，晚餐食呢個價同份量就抵。佢份量真係幾多，我叫左一個38蚊既主菜(蜜糖芥末豚肉)，配20幾蚊既蕃茄芝士risotto。講左個主菜先！佢係好食，好好撈飯食嘅。佢既蜜糖芥末味我覺得就不太重，佢唔係好似menu張相咁吱曬啲醬喺面。佢反而係一啲豚肉湯汁咁浸住啲豚肉同椰菜，索曬啲汁黎食好味。反而佢個risotto就普普通通啦，我覺得佢太濕啦比起平時既意大利飯。佢上碟時仲有啲蕃茄湯汁喺上面咁，之後我再倒啲芝士碎落去撈，撈完就無曬啲汁啦。味道方面，就還好啦，我覺得佢個主菜配白飯已經夠，唔需要個蕃茄芝士risotto。飲品方面，佢根本上得黑糖檸檬茶或者水比你簡hahaha，我揀左黑糖檸檬茶，大家可以叫少冰，佢少左冰都仲好多冰xd。佢檸檬茶同黑糖汁係分開上既，佢個檸檬茶底係完全無落糖，所以係靠自己調節黑糖汁落
老實講，佢午餐都要60幾70既價錢都幾貴，不過唔知佢係咪全日都係用同一個menu，晚餐食呢個價同份量就抵。佢份量真係幾多，我叫左一個38蚊既主菜(蜜糖芥末豚肉)，配20幾蚊既蕃茄芝士risotto。
講左個主菜先！佢係好食，好好撈飯食嘅。佢既蜜糖芥末味我覺得就不太重，佢唔係好似menu張相咁吱曬啲醬喺面。佢反而係一啲豚肉湯汁咁浸住啲豚肉同椰菜，索曬啲汁黎食好味。反而佢個risotto就普普通通啦，我覺得佢太濕啦比起平時既意大利飯。佢上碟時仲有啲蕃茄湯汁喺上面咁，之後我再倒啲芝士碎落去撈，撈完就無曬啲汁啦。味道方面，就還好啦，我覺得佢個主菜配白飯已經夠，唔需要個蕃茄芝士risotto。
飲品方面，佢根本上得黑糖檸檬茶或者水比你簡hahaha，我揀左黑糖檸檬茶，大家可以叫少冰，佢少左冰都仲好多冰xd。佢檸檬茶同黑糖汁係分開上既，佢個檸檬茶底係完全無落糖，所以係靠自己調節黑糖汁落幾多去調節甜度，感覺上更健康。
最後，竟然我全餐最驚喜係個甜品，我會因為佢再黎呢度食！佢係沖繩牛乳冬甩，應該係即炸即上碟。因為我地爭一碟時，佢講左句，唔好意思我地即炸，要等多一陣。不過食既時候就唔係熱嘅。冬甩既中間放左一大球雲尼拿味既雪糕，個冬甩先係重點。佢一啲都唔會甜到漏，佢咬落脆脆地又煙un，再加埋少少咸香既牛乳醬同冰凍既雪糕，正！
Post
