千両 (名店坊)

Open Now

Now Closed

今日係時代廣場買嘢，換咗美食券，就決定走去食日本嘢，每消費100蚊可以用一張50蚊美食消費券，如此類推。我哋叫咗兩份午餐定食，再加炸蠔＆三文魚子籽壽司。朋友叫咗一份萬両定食，壽司好新鮮，有麵豉湯＆前菜。我叫咗天丼定食， 一樣有麵豉湯＆前菜。哩個真係麻麻哋，雜菜餅凍咗唔脆，粉漿太多食到成口都係，似吉列多過似天婦羅，飯好少，啱細食嘅女士。我覺得最好食嘅就係吉列廣島蠔， 外脆內軟超正，仲大大隻添最後朋友唔夠飽，再叫多一客三文魚籽壽司，佢話咁就剛剛好。總結壽司最好食合共349蚊埋單，用咗三張券，最後比咗200蚊。