綠茶餐廳 (希慎廣場)

Open Now

Now Closed

。O小姐。午後綠茶。日常。成日睇小說，都會講話綠茶👩🏻 點知朋友竟然話放假甘得閒，不如一齊去「綠茶」食飯，我心諗唔係嘛，但係朋友叫到冇理由唔去㗎嘛，點知呢間綠茶又比咗唔少驚喜我。我哋呢啲早食飯嘅人，五點幾就已經到咗，餐廳唔係最繁忙嘅時間，所以可以揀喺窗邊🤭龍井烤雞係必試之選，雞皮香脆，肉質嫩滑，仲有淡淡茶香，好有層次，必食推介！齋菜碎肉千張包就算唔食齋都會鍾意，千張包皮薄，入面嘅素碎肉鹹香有口感，食落清新無負擔。土豆芝士塔外層脆卜卜，內裡軟滑芝士唔會太膩，好啱開胃。鍾意食芝士嘅話，我覺得可以試一試。最意外係蝦湯泡飯，湯底夠濃夠鮮，飯吸晒湯，啖啖都好滿足。仲有面面脆脆，食落好有口感。最後嘅暴打鳳梨茶唔單止個名有趣，飲落仲好清甜，啱晒食完正餐後飲返杯。重點係打卡嗰隻熊仔啊😆整體嚟講，綠茶係一間我覺得幾有江南風嘅餐廳，啲菜式有創意又唔失水準，如果想過一個悠閒嘅食飯時間，我覺得可以過嚟，值得推介。