Hotpot King (Chuang's London Plaza)

晏晝去左鍋霸打邊爐，貪佢午市無限時，可以入座食到四點半😆

1

1

揀左⭐LV2美國牛肩胛肉套餐，再升級左🦐海鮮，湯底就點左新出嘅竹笙雜菌湯😋

湯底好快就到，滿滿一鍋竹笙同埋雜菌，湯頭鮮味，飲咗成碗先至開始打邊爐😆

全程用qr code落單，火鍋料上得好快，牛肉片、豬肉片一定唔少得啦，另外手打丸、手打墨魚滑、手工水餃等應有盡有。

普通海鮮有脆肉鯇，升級咗嘅有白沙、海蝦、扇貝、白鱔片、花膠、墨魚仔等，當中至愛白鱔片，encore咗好多次🤤

其他仲有炸物、鹵水、涼拌等小食，佢最好係段件或者段粒計，人少都可以食到好多款嘢食。

飲品方面有冷泡茶、紙包飲品、罐裝汽水、罐裝啤酒等，選擇十分多😆食飽記住唔好錯過雪糕&雪條，雪櫃見到嘅全部都可以任食，正！

2

幾百蚊食足全個晏晝，食飽咗都可以繼續飲嘢同朋友吹水，呢個價錢抵啦。