本身係唸住夜晚嚟食，但呢排注重養生，夜晚唔想食咁多嘢。於是就同朋友食個午市蒸鍋。
我地都係食刑部尚書套餐，有幾款海鮮係set定嘅，包括黃金蚌，鮮蝦，蟶子，大蜆，白蜆，仲有啲蔬菜。
之後有得自己揀一款海鮮同肉。
仲有一份餃子食。
因為睇落分量不多，一開始我地覺得好似唔夠飽咁。
食到後尾就發現雖然睇落好似唔多嘢食，不過都夠飽。
加上最後還有米線配麻辣魚湯。
事實證明係我高估咗我嘅胃，食完真係好飽肚！
海鮮食落無雪味，肉質嫩滑，味道鮮甜。
餃子都幾好食，比較似係鍋貼，皮煎得好薄脆，內餡係雞軟骨。味道唔錯。
1
最後嘅麻辣魚湯都幾濃郁，配上米線食，香辣惹味，好滿足。
價錢都幾親民，環境舒適，幾有特色，食物質素中上，食材新鮮！
俾我評為：可以再嚟嘅餐廳！
走之前，睇下啲蝦先，好想攞幾個返去養。
