牛一 (利港商場) (Moved) New Location

近排工作壓力好大，決定食返餐好嘅，所以中午去咗利港商場間牛一到打邊爐。60分鐘午市套餐放題嘅肉類原本得一盒，但而家竟然會送多一盒，呢個優惠淨係俾會員咋，不過我哋即場申請都好快，係免費嘅。叫左個壽喜燒湯，湯底好夠味，唔係個D 1:99嘅「清水湯」，仲有隻日本雞蛋送。一埋位已經上湯，服務效率好快。叫左美國特選級牛肉，一坐低就已經俾左兩碟肉。買一送一，好滿足！而肉方面，我覺得$75有2盒肉，高質過其他個D快餐店一人一鍋啦，坐得舒服之餘又唔使同人搭檯。