十和田 (Closed)

mikiki間十和田壽司店都開咗好耐吓，睇裝修環境以為好貴，原來佢有lunch set，勁抵食😍98蚊就可以有個午市壽司套餐，配搵蒸蛋同湯，咁高質嘅壽司咁嘅價錢真係抵到爛。而且聽講周不時都會轉唔同嘅款式，唔驚食到悶呀。當然，仲有好多其他款嘅套餐，包括鰻魚飯、壽司飯等等，選擇有好多。如果住樓上就好啦，可以成日食。套餐有8件壽司同三件卷物，三文魚、甜蝦、三文魚子、吞拿魚、鰻魚卷。。。每一件都好好味好滿足，最難得係用赤醋米飯，好好味呀😋平時想食咁嘅質素嘅壽司，一舊都至少廿蚊，冇諗到98蚊可以食到咁多件，仲要個環境好舒服😌以後lunch首選係佢。