Read full review
2017-06-01
1434 views
如果唔係貪近及唔洗等位，真係唔想再受陶源的氣！員工除咗同熟客傾計之外，你問乜攞乜都係聽完就算！今日興上加興，食食吓冷氣都死埋（食完都未整好）乳鴿做特價$25隻，叫咗之後一直見D侍應送到其他人的枱上，甚至比我遲入坐的客人。問咗幾次都話有落單就一定有，咁唯有等啦！試吓個灌湯餃（皮極厚，不好食）蔥花炸兩（油炸鬼不合格）蝦餃、珍珠鷄、棗王糕均保持水準。食晒其他嘢，乳鴿依然未到。再追問後，居然話冇落單，有冇搞錯呀！仲問邊個幫我落單，好彩e度人少，我當然記得邊個啦！叫咗佢嚟，佢話點解冇落單嘅？哈哈！真好笑！最後有人話乳鴿已經售罄，真係火了！我問咁點呢？之後唔知喺邊度玀咗隻比我。咁樣做生意，員工冇heart,真係好唔掂！
Post
