午市有丼飯，亦有60分鐘定量火鍋定食及90分鐘放題火鍋，唔想食得咁趕，所以揀左90分鐘放題，而且牛，豬，雞都食到，肉就正正常常，如想食好少少，記住揀第2個價位，最平$109嗰隻牛真心難食。。。先來肉類各一碟，其實正常人食晒呢3碟肉都會覺得飽架，再上拎埋自助區既菜同丸，基本上加肉就唔加得幾多碟。
湯底有幾款揀，骨膠原雞湯、泡菜湯、壽喜燒、昆布湯等等，細寶今次揀左壽喜燒，湯比較單調，喺自助區拎啲洋蔥、菜同菇做返個湯頭就正喇！
飲品櫃內飲品係住飲既，選擇係多，但比較多不知名飲品，唔係好敢飲，都係飲返正路野穩陣！
最後就係成餐飯既重點！午市放題都竟然無雪糕食啊！😭😭😭😭😭
