招牌滷水鵝— 🪿最有名嘅當然就係呢一度嘅滷水鵝，新鮮當日滷好，肉質夠晒細嫩，🪿而且脂肪少仲夾雜左啲鵝油香，滷得亦都相當入味，連啲肉都變得更加深色仲帶有微甜🪿
鵝片— 🥩如果怕食到鵝骨嘅話鵝片絕對係福音，同樣嘅肉質，啖啖肉真係非常滿足🥩
滷水鵝腸— 💕當然唔少得爽口彈牙嘅滷水鵝腸作為餐前滷水小食，質地爽脆好味
滷水鴨舌— 👅鴨舌同樣都係一款非常受歡迎嘅小食，👅每一條都見到係非常之完整舌尖部份除咗有肉之外仲有舌根，少少哋一舊裏面食用部份都好多，最後只會剩一片小骨，性價比都幾高👅，仲軟糯好入味
滷水豆腐— 🥢送飯嘅話，當然唔少得硬皮滷水豆腐，當豆香再滲透住滷水味嘅時候係零舍甜，🥢啲汁慢慢喺豆腐嘅窿位攝出嚟，外皮夠好咬內裏豆腐夠嫩，水準都幾高🥢
趁住而家搞緊新張優惠，再加埋老闆每日都落力親為，絕對係北角同炮台山滷水之中嘅新一頁😎
一品滷水專門店
北角英皇道301-319號麗宮大廈地下5號舖
