Baikohken Ramen (Tang Lung Street)

趁住復活節，今日同一個好耐冇見嘅朋友食lunch。由於我好耐冇食過日式拉麵，而登龍街又有好多間日式拉麵店喎，咁就去咗朋友未試過嘅梅光軒度試吓啦(我都係第一次試)。我哋喺門口排左一陣，不過始終店入面唔係太大，所以我哋都係坐面壁嘅高身枱。我就叫左未噌拉麵，加＄20配炸牛肉薯餅同汽水，而朋友就叫咗味噌海鮮拉麵，加$15配煎餃子同汽水。

味噌拉麵

$80

味噌拉麵，湯底豬骨味及濃度稀稠適中，飲大半碗都未至於濟咗。拉麵質感有彈性，食到尾都冇淋，而且個麵餅都幾大個，食完好飽。至於塊叉燒只有少少肥膏，對我來講非常好，因為我驚食肥膏。豬骨湯嘅濃香味充分滲入叉燒，帶出肉嘅鮮美，如果可以伴多幾塊就好啦！

味噌海鮮拉麵

$98

朋友嘅味噌海鮮拉麵望落去賣相非常好，我就無試到，所以唔知個味係點。

炸牛肉薯餅連汽水

$20

加＄20配炸牛肉薯餅同汽水，加$15配煎餃子同汽水。炸牛肉薯餅食落唔太油，好多薯蓉，但就是比較少牛肉。餃子都煎得非常香，餡料豐富，有韭菜豬肉、唔太肥，煎餃子來講比好多餐廳較健康。