Video
Read full review
2017-07-01
3149 views
這間位於太子新開不久的餐廳「包販子」，名乎其實主打「包」，所賣的包子大受歡迎，在IG上大行其道，小妹被比佢地出品既包吸引住，鎖定要在放工後要去潮聖一番。餐廳好似係由一班年輕人開設，黑色門面配上白底招牌同盞鬼插畫，簡簡單單，感覺好文青，有台灣味道！店內坐位唔算多，但都有望窗的高枱位；另一旁有售賣自家品牌（定寄賣？）的產品，帆布袋、明信片、膠帶等，都有著濃濃文青感。餐牌只得三頁，一頁飲品、兩頁食物；食物以包為主打，有分包/多士、全日早餐和小食；據說他們的麵包都係自家製自家發酵，很有誠意！本身係網上見到佢地既飲品膠杯有印上插畫好可愛，諗住叫返杯影下相，但原來堂食就唔會用到膠杯，有點失望。先叫左份小食鹽酥菇 $38，佢地既鹽酥菇真係好刷咀，真心推薦！條條菇都炸得夠晒乾身，食落唔油膩，咬落酥脆可口！怕乾既話仲有埋沙律醬比你。小妹忍唔住係咁食，食到最尾仲有件炸金菇架！最後仲追加多一份，太為食了！咕嚕雞包 $62烘過既包十分香酥，對切完都唔會走樣，一咬麵包碎跌到一檯都係。食落帶陣陣牛油香，麵包質感又夠軟熟，剩係個包已經覺得好食！麵包夾住炸雞扒，炸到好似吉烈咁，不過炸粉唔算厚；咬落好脆之餘雞肉仲保持到
這間位於太子新開不久的餐廳「包販子」，名乎其實主打「包」，所賣的包子大受歡迎，在IG上大行其道，小妹被比佢地出品既包吸引住，鎖定要在放工後要去潮聖一番。餐廳好似係由一班年輕人開設，黑色門面配上白底招牌同盞鬼插畫，簡簡單單，感覺好文青，有台灣味道！
店內坐位唔算多，但都有望窗的高枱位；
另一旁有售賣自家品牌（定寄賣？）的產品，帆布袋、明信片、膠帶等，都有著濃濃文青感。
餐牌只得三頁，一頁飲品、兩頁食物；食物以包為主打，有分包/多士、全日早餐和小食；據說他們的麵包都係自家製自家發酵，很有誠意！本身係網上見到佢地既飲品膠杯有印上插畫好可愛，諗住叫返杯影下相，但原來堂食就唔會用到膠杯，有點失望。
鹽酥菇
$38
41 views
0 likes
0 comments
先叫左份小食鹽酥菇 $38，佢地既鹽酥菇真係好刷咀，真心推薦！條條菇都炸得夠晒乾身，食落唔油膩，咬落酥脆可口！怕乾既話仲有埋沙律醬比你。小妹忍唔住係咁食，食到最尾仲有件炸金菇架！最後仲追加多一份，太為食了！
咕嚕雞包
$62
51 views
0 likes
0 comments
咕嚕雞包 $62
烘過既包十分香酥，對切完都唔會走樣，一咬麵包碎跌到一檯都係。食落帶陣陣牛油香，麵包質感又夠軟熟，剩係個包已經覺得好食！
麵包夾住炸雞扒，炸到好似吉烈咁，不過炸粉唔算厚；咬落好脆之餘雞肉仲保持到肉汁，肉質尚算嫩，配埋咬落多汁既厚切新鮮菠蘿，成個包頓時變得好清新。成個包就好似將一碟菠蘿咕嚕雞球漢堡化，小店的用心製作，簡單又好味。
芝士+煙肉+荷包蛋
$52
51 views
0 likes
0 comments
芝士+煙肉+荷包蛋 $52
其實小妹鍾意呢個包多過咕嚕包，貌似簡單既組合，組合埋又新鮮整起既真係好食。
裡面的芝士呈半溶既狀態，切開個荷包蛋仲有流心架，當中的煙肉唔似煙肉，初時仲以為入面夾左豬扒，因為佢係偏似火腿扒個類較為厚身，仲要有煎過架，鹹香味足真係好惹味！
陀地西多
$66
78 views
1 likes
0 comments
陀地西多 $66
到呢款壓軸甜品出場，西多士唔再係配牛油同蜜糖！呢款個名咁有氣勢既西多，配搭既係花生醬雪糕同蜜糖脆脆！
件西多炸得唔油膩，配埋雪糕一冷一熱真係好夾！個花生醬雪糕，雪糕質感食落帶點冰感，仲食到有花生碎，花生味好香，好鍾意呀，加埋當中既蜜糖脆脆食仲可以增加口感。如果雪糕既份量可再多點會更好，因為完全唔夠喉，我唔介意加錢架。
Post
