綜合芋圓 ($28)有得揀凍/熱，仙草/刨冰底🍧。
草根妹妹揀左凍❄️仙草底
顏色好靚好吸引😍
除左有一般芋圓、紅豆、仙草底，仲有一舊綠茶凍，同最頂有大約3粒大芋圓。
講真，芋圓就普普通通，唔太夠煙韌
大芋圓好食d，內藏芋頭餡🍠
糖水落得唔多，加埋紅豆食岩岩好😋
仙草不錯，夠滑溜
姐姐覺得綠茶凍幾好食，但得一舊仔😂有d到喉唔到肺。
整體唔算係好突出，最好食係個幾粒包心芋圓，但得3粒好似少左d🧐。
好多人話大大兜好抵食，但其實草根又唔覺好大兜炸喎🙈
食一次可以的，但又未至於會再去。
話時話，大家有好食嘅芋圓推介俾草根👩🏻👧🏻嗎？
