Read full review
2017-01-03
14189 views
《勝香園》係屈小姐一路恨左想食好耐既餐廳黎嫁，只係一路以黎都冇人陪佢食~ 當賴生帶過佢去食之後，佢一試就愛上！依加已經成為左我地2個既canteen啦 定時定候賴生都會帶屈小姐黎食，等佢開心下 我地2個都係超級蕃茄怪黎嫁！《勝香園》係係一條樓梯同街巷入面既一間牌檔仔，外面放左幾張大枱比人坐低食，夏天大家都食到大汗淋漓，冬天就都會出下汗既，同埋有機會會曬住食嫁，係好有風味嫁，當然大家都要唔介意係條巷仔食野，雖然感覺上可能有啲污糟，但我地食過咁多次都冇問題嫁，證明啲野食其實好乾淨嫁！(連潔癖屈小姐都一去再去，證明完全無問題啦) 雖然《勝香園》環境係咁，不過一樣吸引左好多人黎食，因為佢個蕃茄湯底實在太太太過出色啦，我地2個一致認為佢係全香港最好食既蕃茄湯！除左蕃茄湯吸引到我地黎之外，呢度有另一種味道都好吸引，就係人情味啦，你會見到好多個嬸嬸婆婆一齊做野，招呼你啦，安排位啦，落單，上菜，執枱同計數，個個都好精靈同快手，而且佢地同食客都有傾有講，感覺好親切嫁！見到佢地年紀咁大都咁精靈，咁有活力，煮碗好既蕃茄湯比客人，我地當然唔可以浪費佢地既心血啦大家想食既時候，記得乖乖地排隊啦，人龍雖然長，但
《勝香園》係係一條樓梯同街巷入面既一間牌檔仔，外面放左幾張大枱比人坐低食，夏天大家都食到大汗淋漓，冬天就都會出下汗既，同埋有機會會曬住食嫁，係好有風味嫁，當然大家都要唔介意係條巷仔食野，雖然感覺上可能有啲污糟，但我地食過咁多次都冇問題嫁，證明啲野食其實好乾淨嫁！(連潔癖屈小姐都一去再去，證明完全無問題啦) 雖然《勝香園》環境係咁，不過一樣吸引左好多人黎食，因為佢個蕃茄湯底實在太太太過出色啦，我地2個一致認為佢係全香港最好食既蕃茄湯！
除左蕃茄湯吸引到我地黎之外，呢度有另一種味道都好吸引，就係人情味啦，你會見到好多個嬸嬸婆婆一齊做野，招呼你啦，安排位啦，落單，上菜，執枱同計數，個個都好精靈同快手，而且佢地同食客都有傾有講，感覺好親切嫁！見到佢地年紀咁大都咁精靈，咁有活力，煮碗好既蕃茄湯比客人，我地當然唔可以浪費佢地既心血啦
大家想食既時候，記得乖乖地排隊啦，人龍雖然長，但其實30分鐘左右就有位，比d耐性！好西先多人食麻！
食過咁多次，我地推介既係：
1）湯底之選 ： 蕃茄通 vs 蕃茄公仔麵
結論： 蕃茄通勝（5星）
- 蕃茄麵其實只係普通既湯煮好個麵，再係上菜前加入大量既新鮮蕃茄整既醬同新鮮蕃茄肉，相比起蕃茄通，蕃茄通係直接將通粉同蕃茄湯一齊煮，比起麵更濃味，加上通粉中空，比公仔麵條更掛汁，蕃茄味更出。所以，識食一定食蕃茄通！
2) 麵包推介：檸蜜脆脆豬仔包 （爆星）
- 其實有咁多種味道（混醬，奶油，奶醬，咖央同檸蜜），點解要推薦檸蜜呢？除左係呢度整得出色之外，都關佢味道事既！檸蜜固然之就是酸酸甜甜，佢入口先衝閘殺出既係檸檬既酸味，再黎一點點甜味，既開胃又有層次，好特別！我地最欣賞中間果2舊(底包)，吸晒檸蜜汁！超正
- 豬仔包同最近X爺廚房既《兩面黃煲仔飯》一樣，呢度個豬仔包包脆，面都脆，可以堪稱為《兩面脆豬仔包》！ 真係要準備定紙巾抹嘴加墊腳，當你一咬，D麵包碎會周圍飛
備註：麻煩一落單就叫，冇得後加既，而且要大約等20分鐘
緊接既係配料篇
3）鮮牛肉 （4.5星）
-既然食蕃茄湯，鮮牛肉當然係好朋友啦！事關呢度個蕃茄湯太出色，只要配搭幾舊嫩滑既鮮牛肉已經滋味無窮 當然，呢度既牛肉都冇令人失望啦！確係嫩得黎又大塊既而且數量都唔少！
4）碎牛炒蛋 （5星）
- 呢度既另一用心作品！碎牛除左幫蛋添加一份濃厚既味道之外，更加逼出蛋香！佢採用芺蓉蛋既做法，將空氣同碎牛打入炒蛋入面，做到外層微脆，內裡綿密軟彈既口感！ 同蕃茄湯一齊食又係一流，簡直好食到不得了，蕃茄配炒蛋麻，又係另一對好朋友！而且又大塊，賴生分左一半比屈小姐都仲有好多食！
5）煎蛋 （4星）
- 可能你會問點解煎蛋都會推介呢？係因為佢煎既蛋唔係全熟既，流蛋黃汁既煎蛋，外表吸引，蛋味更出！當溢出既蛋黃汁滴入蕃茄湯，就會產生好朋友既化學作用，將湯底由鮮紅染成橙紅色，令蕃茄湯味道昇華！
6）菜 （4.5星）
- 係度叫菜，通常係比菜心，佢切成菜粒狀，份量大約係2-3條菜心。加綠色既菜除左影相靚之外，配合蕃茄湯食係好夾既！菜心粒爲蕃茄湯加添左口感，蕃茄湯就幫菜加添味道！簡直又健康，又好味既選擇！
#蕃茄怪
#獎勵屈小姐既野食
#排隊亦要放閃
#煩膠賴生
#嘔心瀝血之作
#真心推介
#最好味既蕃茄湯
#約定妳，老左都帶妳黎食
#講完又想食
#一年可以食幾多次
#食極唔厭
檸蜜脆脆
165 views
2 likes
0 comments
茄牛蛋菜通
163 views
2 likes
0 comments
雞扒碎牛炒蛋菜茄通
141 views
1 likes
0 comments
Post
