今次試左好多人推薦既「濃厚蟹蝦豚骨拉麵」🍜 湯底真係幾濃厚，蝦味比蟹味出，湯既份量唔多但都足夠。拉麵份量佢寫住「普通」份量係其他拉麵店既1.5倍，不過我又覺得剛剛好，都食得晒，可能我大食😂 拉麵係粗身個隻，好咬口，岩我口味🤤 叉燒切到好薄身，對比出面個啲厚身但好多肥膏既叉燒，怕肥膏既我偏向鍾意薄身依隻叉燒😗😗 而溏心蛋我覺得淋左少少，比較鍾意口感實淨少少既蛋。
整體而言都幾好，有機會會再幫襯試其他口味既拉麵🍜😋
另外佢既配菜係可以根據自己口味去轉的，雖然我樣樣配菜都食，但覺得依個安排好貼心💪🏻
1
