銀座 篝

Open Now

Now Closed

中大伏🚁🚁🚁🚁🚁🚁🚁以為日本開過黎就一定好食？太天真了，早兩日去試一下攻港不久的篝，地理位置係出色嘅係k11 Art mall IKEA嗰一層。抱住巨大期望同空空如也嘅胃，7點左右直入餐廳冇隊要排。黎到第一件事當然係order返個雞白湯拉麵，我仲要左高級版嗰一款有埋黑松露，朋友係抹茶控所以要左抹茶湯。兩碗上齊，未食都感受到懸浮於面的油層，當下我都安慰自己：無事無事，雞油就梗有。食入口就知大獲，真係可以稱得上又油又無味，擺盤精美都無用，我無勇氣食晒碗嘢，正常唔會咁掛？唔講油過多呢個問題，湯底無味係更離譜嘅問題，似罐頭湯多過自家煲🤦🏽‍♀️麵又唔好食，一蘭好食過佢多多聲。朋友個抹茶湯同樣唔OK，好古怪，又係淡口到爆，入口苦苦地又無雞湯味，似食緊暗黑料理，我地係極失望，又唔係平，好彩唔洗排，否則我會發癲！😤😩