樓下冰室

呢一間 [樓下冰室]，同傳統嘅茶記好有分別，除咗裝修有些少懷舊特色，食物種類仲好多元化，每款都好有特色，例如最出名嘅瑞士汁雞髀、茄湯類通粉等等……
今次專登個同事嚟試試！

牛肉豬潤蕃茄濃湯通粉，真材實料，一入口蕃茄嘅濃湯就好突出，豬潤爽口又新鮮！

潮州蠔仔肉碎泡飯，嗰啲蠔仔真係幾大粒，而且一上枱，嚇咗一跳好大碗 蠔仔鋪滿泡飯！$50 真係好抵食，而且仲有好多冬菇絲、芫茜，陣陣香味！

炸韭菜餃，大大粒，有八件，配上沙律醬 韭菜味好突出，裏面好多韭菜，唔算多油 食落十分香口 ！

綠椰冰，甜味適中，綠豆蓉同椰汁味道好清新 。

菠蘿冰，就係我嘅至愛，大大粒菠蘿，好懷舊。

1