之後泰式豬頸肉，肉嫩汁多，烤得香噴噴，配住甜辣醬，咬落去軟綿綿，唔柴唔韌，絕對係亮點！泰式炒蜆就更正宗，蜆個個肥美，新鮮到汁水四溢，炒住蒜蓉辣椒同羅勒葉，香氣直衝鼻，食住白飯一掃光，兩個飯碗即刻見底😆
冬陰功海鮮湯海鮮多多，包括蝦同魷魚，湯底酸辣夠勁，檸檬草同辣椒嘅味道層次分明，飲落暖笠笠，解辣又開胃🤤
加購嗰半隻泰式海南雞，雞皮脆脆，肉質滑嫩，海南風味混泰式，創新又好味！🤩
另外，我哋外加咗燒沙嗲雞肉串，雞肉串烤得金黃，沙嗲醬甜辣濃郁，食到停唔到口；泰式明爐烏頭魚，魚鮮嫩，爐烤出嚟皮脆肉香，酸酸地幾清新😆
如果係四個人，仲有泰式四人餐$598，一蚊加購冬蔭醬燒骨或者泰式海南雞一隻，下次叫埋屋企人嚟😋
