✎ 虎蝦海鮮混亂杯麵
呢碟係倒瀉咗嘅冬蔭公味杯麵~(˶‾᷄ꈊ‾᷅˵)~材料有魷魚、青口、蝦、三色椒同埋洋蔥。魷魚幾煙靭，青口細細粒，味道偏鹹，蝦用炸嘅方式煮，味道濃郁，蝦肉嫩滑，口感唔粉。整體味道非常辣，帶有濃濃冬蔭公味，對於鍾意食辣同重口味嘅人嚟講，簡直係惹味♡ 不過食耐咗反而有啲鹹
✎ 香辣紅咖哩軟殻蟹配雪糕筒
呢碟紅咖哩食落酸酸地，同時幾重椰奶香味，撈飯最啱～碗飯都幾有咬口，唔係爛飯，唔會太濕潤，亦都唔會太乾，濕度適中。軟殼蟹炸得香口又脆，加埋紅咖喱嚟食，咖喱嘅椰奶味亦唔會搶咗蟹嘅炸脆味。食到最後，唔好浪費剩番嘅紅咖哩，將啲紅咖喱倒入雪糕筒度食，咖哩口感綿滑得嚟，仲試到雪糕筒嘅甜味，都幾特別！
✎ 芒果乳酪疊疊冰
酸酸地嘅乳酪，鮮甜嘅芒果味，配以綿滑嘅沙冰，口感豐富，食落透心涼 ˃̵͈̑ᴗ˂̵͈̑ 裡面同樣有煙靭嘅糯米飯。呢道甜品最特別嘅係有一條新鮮芒果肉整成既雪條，試過食軟腍嘅雪糕未？ꉂꉂ(ˊᗜˋ*)ʬʬ
✎ 凍泰式奶茶
順滑口感，濃郁奶香，同時茶味好突出，好飲！夠冰凍，夏天叫番杯都唔錯～
✎ 熱開心果鮮奶咖啡
淡淡開心果味，鮮奶味偏濃，唔苦，香味可口！
