睇左yahoo的介紹, 又和爸媽經過, 就入去試下.
老闆係上一輩的老人家, 老當益壯, 見你係門口望就會問你"幾多位呀"
不過一d都唔係煩擾的問法, 只係上一輩生意人的熱心.
餐廳好新, 好靚. 我地坐左係門口位, 有d熱. 快吃完才知道有2樓/閣樓, 冷氣會勁好多.
員工態度好好, 問佢有乜野介紹, 那一樣好d, 好講得好詳細.
埋單時仲問我食唔食糖添!
我地得3個人, 唔食得好多野. 叫左最出名的鹵水鵝, 豬肚湯, 蠔餅, 超好食!
忍唔住一路食一路好似傻婆咁話"好好食, 好好食, 真係好好食呀!"
鹵水鵝 - 又滑又入味
(約$128)
豬肚湯 - 和酒樓的非常不一樣, 係真才實料用瘦肉等煲數小時的湯, 超辣!
(約$88) - "例"是一大煲, 4個人飲都夠~
蠔餅 - 不油, 很新鮮的蠔!
(約$78)
本來還想叫一個飯, 怕吃不完, 真的是做對了. 份量很足!
我見到我旁邊2個潮州人和我們點的一樣, 看來這三個菜真的很不錯!
