以前沙田沒有太多韓式店舖，在幾個月前開左間韓式炒雞店，呢類新式既韓國菜一次都未試過，一於近近地就去試吓先
約個FD星期日中午飯敘先，去到都要取籌等位
等左大約30分鐘就有位
在門口入坐前侍應會俾張纸你選食60分鐘一轉炒雞/雞+海鮮，還是90分鐘無限添加，邊款味道炒雞，飯/麵，無限汽水任飲，加$38任飲韓國啤酒或加$38一支韓國燒酒
入到去見個環境都幾好坐得幾舒服
而且每張枱都有usb叉電
當鐵板炒雞未到時，可以到自助bar取其他韓式食物和飲品
韓式生菜包，配料自己選，咬落生菜好爽好fresh,泡菜好嘢味
炸魷魚圈，外層脆粉好脆，內裏魷魚好彈牙
宮廷炒年糕，味道幾好，食落煙煙靭，好嚼口
炸餃子，都係新鮮炸都好脆，不過嗰味道冇我哋中國餃子噤好味
牛肉蘿白湯，個湯清而牛味濃，蘿白和牛都好淋
韓國醬汁湯，味道類似日本麵豉湯，有蘿白、金菇、豆腐
蜂蜜薯條，蜂蜜唔太多，薯條甘甜可口
醬燒豬肋骨，醬汁另到豬肋骨入晒味，滑而不漏
烤牛肉好似金菇炒肥牛，牛肉索左汁，越食越多
燉牛肋骨，牛肋骨唔靭，入口即化
泡菜炒五花腩，嘢味之選，越食越開胃，唔覺肥膩
其實在食緊嘢既時候，侍應已送上炒雞，但要侍應炒完個雞和海鮮先可以食
炒雞食落有少少鞋
不過個味辣辣地好好味，蔬菜沾滿醬汁
青口唔靭，魷魚和蝦新鮮彈牙另外炒雞裏面配搭左年糕在內，有三款味道(原味、紫薯和芝士)我覺得芝士最正
外圍既芝士要加$30先有，但燒完既芝士，硬身左係幾好味
食到七七八八，叫侍應炒埋先前選左既韓國拉麵俾你食，口感好似辛辣麵，超
最初選左汽水任飲，後來想試吓韓國啤酒，所以加錢試晒佢，佢哋有提供(生啤、水蜜桃、菠蘿、芒果啤),三隻水果啤有d似樂X新地，都值得加錢試
由於太飽關係，甜品食唔落冇試過，唯有下次再試過
試過今次，下次唔使食90分鐘，因為食唔到第二轉
最後埋單$508.2
