日本吉列炸牛扒hit左好耐，今日初試，果然有驚喜！
餐廳位於蘭桂芳嘅盡頭，岩哂中環上班族
Lunch set比晚餐更抵食，一set包括主菜、沙律、前菜、白飯，我另外再叫左杯蜜桃梳打
一上檯侍應哥哥細心介紹點樣食，待鐵盆牛油溶左之後就可以自己燒，可以配搭醬汁或鹽
炸牛扒份量都幾多，放上鐵盆燒兩燒就食得，仲可以自己控制幾成熟。外面層炸粉鬆脆唔會過厚，比起一般煎牛扒更香口好味！
友人點嘅頂級板腱牛扒係每日限量，揀左５成熟，切開入面係淡粉紅色煎得岩岩好，厚切份量足，入口唔會韌但依然有咬口！
跟餐配嘅白飯上加左飯素好開胃～
Ｐ.S. 餐廳有兩層，當日中午地下個層滿左所以被安排到上層，雖然只有我地一檯客，但都有一個侍應係度standby ，會主動拎儲物袋比我地擺野同介紹野食，服務唔錯!
