UME i’beriko (Closed)

今日大年初四光顧了這間西餐，見店內食客唔多，少人又不用等位可以直入，我一開始點了餐牌上B餐-墨汁帶子燴飯，之後侍應同我講冇哂帶子，叫我轉另一份餐，我最後就點選了美國燒豬骨飯，因為聽個名好似幾吸引咁！等左10分鐘，我既午餐終於來到，燒豬骨賣相麻麻，而且表皮仲有點燒焦，同女店員講「塊豬骨好燶」店員回答：「焗出來係咁」，咁我費事同佢討論落去，唯有自己唔食燶地方，首先評論下塊豬骨先，很乾而且無汁，飯好硬，食左幾啖，都係頂唔順要叫店員來，我同女店員講個飯好硬，可否比d汁我撈來食，佢轉頭就拎左碗湯比我，佢話我哋無汁㗎！我冇要到碗湯，同佢講我真真唔到，個飯又硬，個塊燒豬骨又無汁叫我點食呢！？跟住女店員就話換個意粉比我，我話好丫，點知原來就係將好硬既白飯換左意粉而已，其他原封不動，都算，個意粉又係一滴汁都冇，同屋企烚熟冇咩分別，只係食到鹽味，好乾！我冇辦法之下都要照食，再唔食我就要遲返公司了！我想講，這間店服務態度和食物品質都好求其，價錢唔算平，因為食物質素太低，唔值呢個價錢！衛生方面，我同事餐湯上發現有腳的昆蟲，但佢冇出聲，放低唔飲就算。