但係今次呢間位於荃灣海之戀嘅鼎家起筷
唔係食私房菜 而係走年輕大眾化嘅路線
一定要叫嘅當然係佢哋嘅鼎家柑橘燒鵝孖寶飯 ($92)
燒鵝嘅外皮有光澤 加上佢哋特製嘅柑橘醬汁
擔擔嘅果香味 可以中和返燒鵝嘅油膩感
配上肥瘦適中嘅叉燒 呢個飯值得一試👍🏻
另外可以一試涼拌麻辣蒜香手撕貴妃雞撈丁 ($80)
一擺上枱就聞到麻辣嘅香味 而且貴妃雞嘅份量都算多
撈勻食之後 辣味啱啱好 手撕雞同一丁係絕配🤤
除此之外 佢哋仲有唔同嘅小食
今次我哋就叫咗爆脆金沙魚皮 ($49)
魚皮上面沾上薄薄嘅鹹蛋黃醬 食落口幾香脆😆
另外我哋仲叫咗個鮮果窩夫 ($68)
窩夫配搭士多啤梨同藍莓 靚得黎又好味😝
飲品方面亦都好多選擇 包括人氣嘅芝士奶蓋
仲有鮮果花茶特飲 兩杯都幾好飲㗎👍🏻
-
裝修環境：✨✨✨✨✨
服務態度：✨✨✨✨✨
食物質素：✨✨✨✨✨
(5個✨為滿分)
唔信我嘅可以自己去試試😂
