知道呢間餐廳主打走露營風格，走入去餐廳已經充滿露營feel, 安裝晒露營應有嘅設備，有帳篷，更有露營煮食的爐具，甚有埋露營所用嘅餐具。
全牛特選拼盤
拼盤總共有六款，包括A5宮崎和牛三角腹肉、牛肋肉、牛舌、牛胸腹、雪花牛小排。
當中以宮崎和牛三角嘅雪花分佈最均勻，只需輕輕燒燒，已經油花漂晒出嚟，入口瞬間溶化，超正！
另外雪花牛小排嘅大理石紋勁均勻，肉汁豐富，瞬間在口中爆開，非常飽滿嘅口感。
另外要贊嘅係鹽蔥薄牛舌，牛舌上面鋪滿勁多蒜蓉和香蔥，只需把牛舌輕輕炙燒，再將蒜蓉和香蔥捲埋一齊食，更能中和牛舌嘅油脂。
3
蒲燒鰻魚
最初諗住自己可以燒鰻魚，點知係廚師燒好端上枱，我只需把鰻魚在燒爐上加熱便可，鰻魚好肥美兼且外皮頗香脆。但如果可以自己燒，更有露營感覺。
另外露營唔少得嘅甜品緊係燒菠蘿喇，呢碟菠蘿份量唔講得少，既超大件兼非常厚實，燒熱之後，咬落去勁清甜又多汁，絕對可解油膩感。
最後再叫多個宇治綠茶雪山冰，呢個份量勁大，可以足夠2-3人食，抹茶味夠晒香濃，而雪山冰充滿奶香味，非常透心涼。
