Read full review
2020-10-13
5164 views
終於有機會試到大獲好評嘅東歐菜。咪以為選擇weekday晚飯時間去就唔需要訂位,我哋6點半到達(餐廳開6pm),餐廳已坐滿6成。店內裝潢/擺設都充滿東歐色彩,無論牆上嘅掛畫、天花上嘅吊燈到餐枱上嘅佈置都非常有特色,完全唔覺得自己喺香港品嚐烏克蘭菜😝▫️烏克蘭香煎薯餅 (HKD88)呢個薯餅煎得好香又好味,味道同平時食嘅hash brown有啲唔同,有落麵粉一齊整嘅。第一次配上酸忌廉來食薯餅,味道幾特別。▫️傳統豬肉餃子 (HKD88)喺店員推介之下點了呢個菜式。烏克蘭餃子皮厚而且包到圓碌碌,好明顯同我哋食開嘅好唔同。內餡勁多豬肉,食完之後同店員所以講嘅一樣,好飽肚😂我個人比較喜歡皮薄嘅餃子,烏克蘭餃子唔係難食,但對我嚟講試一次就夠喇。▫️馳名基輔炸雞扒 (HKD188)望落去好似炸薯仔其實係一舊雞扒。之前睇影片提及到一刀切下去嘅時候會有牛油流出效果。可惜我件雞扒切下去嘅時候見唔到有牛油流出,有點失望。不過雞扒味道確實係唔錯,肉質幾juicy,再加上用香草牛油來調味,絕對係必試菜式。薄切自家製薯片係即叫即炸,非常脆口。▫️烏克蘭芝士蛋糕 (HKD88)傳統烏克蘭芝士餅,上枱嘅時候熱辣辣
店內裝潢/擺設都充滿東歐色彩,無論牆上嘅掛畫、天花上嘅吊燈到餐枱上嘅佈置都非常有特色,完全唔覺得自己喺香港品嚐烏克蘭菜😝
▫️烏克蘭香煎薯餅 (HKD88)
呢個薯餅煎得好香又好味,味道同平時食嘅hash brown有啲唔同,有落麵粉一齊整嘅。第一次配上酸忌廉來食薯餅,味道幾特別。
▫️傳統豬肉餃子 (HKD88)
喺店員推介之下點了呢個菜式。烏克蘭餃子皮厚而且包到圓碌碌,好明顯同我哋食開嘅好唔同。內餡勁多豬肉,食完之後同店員所以講嘅一樣,好飽肚😂我個人比較喜歡皮薄嘅餃子,烏克蘭餃子唔係難食,但對我嚟講試一次就夠喇。
▫️馳名基輔炸雞扒 (HKD188)
望落去好似炸薯仔其實係一舊雞扒。之前睇影片提及到一刀切下去嘅時候會有牛油流出效果。可惜我件雞扒切下去嘅時候見唔到有牛油流出,有點失望。不過雞扒味道確實係唔錯,肉質幾juicy,再加上用香草牛油來調味,絕對係必試菜式。薄切自家製薯片係即叫即炸,非常脆口。
▫️烏克蘭芝士蛋糕 (HKD88)
傳統烏克蘭芝士餅,上枱嘅時候熱辣辣,仲聞到有陣好濃烈嘅芝士味。芝士餅係用cottage cheese整㗎,都幾飽滯。一份芝士餅有兩件,兩個人去食一人一件啱啱好😋
Post